У гіт-парад трапляюць альбомы беларускіх музыкаў, запісаныя ў апошні год. Агулам зьбіраецца 12 удзельнікаў туру - г.зв. тузін. Удзельнічаюць альбомы беларускамоўных (часткова беларускамоўных) выканаўцаў, а таксама канцэптуальныя складанкі песень, выдадзеныя за гэты час. З 2019 году разглядаюцца таксама міні-альбомы з 4-7 трэкаў, EP.
Кожны тур гіт-параду цягнецца каля трох месяцаў і адпавядае пары году (восень, зіма, вясна). Пасьля падвядзеньня вынікаў галасаваньня, чарт абнаўляецца цалкам, і галасаваньне пачынаецца спачатку. Улетку праводзіцца мэгатур па вызначэньню найлепшага альбому, у якім удзельнічаюць усе рэлізы сэзону.
Права прыняцьця канчатковага рашэньня аб уключэньні або неўключэньні ў гіт-парад альбомаў на TuzinFM рэдакцыя парталу пакідае за сабой.
Галоўнае патрабаваньне да ўдзельнікаў гіт-параду ды іх прыхільнікаў весьці шчырую барацьбу. Галасаваць можна зарэгістраваным на сайце карыстальнікам, а таксама зайшоўшы ў свой акаўнт ў сацыяльнай сетцы (Facebook, УКантакце) адзін раз на суткі, абіраючы адзін, два або тры альбомы.
Мая краіна
Трэш-блюзавы бэнд зь Менску выдаў другі нумарны альбом «Мая краіна», у якім зрабіў спробу асэнсаваць сябе і сваё месца ў прасторы.
#одинаковоразные
Берасьцейская рок-каманда «Сразу май» выдала першы поўнафарматны рэліз, у які ўвайшло найлепшае, што яны маюць на сёньня. У тым ліку супэргіт «Небасхіл» з «Залатога Тузіну» і трэк, ухвалены брытанцамі The Subways.
Cordyceps
У дэбютным альбоме інструмэнтальнага трыё паўдзельнічалі вакалісты гуртоў Plumbum, Tok Rukoo, Ilo&Friends, Zolki Band.
Hostel
Свой сольны альбом «Hostel» лідэр гурту Recha запісаў у Празе разам з удзельнікамі The Unlimited Trio.
Землемер и Чипполино
Новы альбом беларускага гурта «нагУаль» уяўляе зь сябе калекцыю дзьвіжовых шансон-балядаў, этнічнае сайка-ска, упершыню для гурту засьпяванае на зразумелых мовах.
Techno Blues
Новы альбом «Techno Blues» ад гурту Intelligency, названым TuzinFM летась галоўным адкрыцьцём у беларускай музыцы.
Daybreak
Гурт CherryVata выдаў новы альбом «Daybreak» — першы пасьля 8-гадовай паўзы. Музыкі захавалі фірмовы стыль, але пры гэтым зрабілі сваю музыку больш рокавай.
Рокі
У трэці альбом «Рокі» асноўнага праекту Сяргея Міхалка Brutto ўвайшлі даўнія гіты, чужыя ды свае перасьпевы ды некалькі адносна новых нумароў.
Крылья
У свой другі альбом Юлія Глебава аб’яднала песьні на беларускай і расейскай мовах, якія падобныя ня толькі па гучаньні і падачы, але і маюць адзіную сэнсавую канцэпцыю.
Hardcore zachodniaha Palieśsia
Гурт The Superbullz, у якім аб’ядналіся найлепшыя інструмэнталісты беларускае рок-сцэны, дэманструе моц, спрыт ды майстэрства ў дэбютніку «Hardcore zachodniaha Paleśsia».
Колер якога няма
У сваім другім студыйніку «Колер якога няма» менскі рок-бэнд TonqiXod вырашыў больш пасваволіць без аглядкі на мітычнага непадрыхтаванага слухача.
Синоптик
Трэці альбом магілёўскага рок-гурту Nizkiz, у якім музыкі заяўляюць пра тое, што кожны сам сабе сыноптык.
У нашых снах
Музыка і паэт запісалі выдалі сумесны альбом з нагоды 10-годзьдзя творчай супрацы. У дыск увайшлі, як раней вядомыя творы, так і зусім новыя песьні і вершы.
Усё бачаць
У новым туры альбомнага чарту бярэ ўдзел альбом «Усё бачаць» — дэбютны дыск гарадзенскага нэа-фольк гурту «Вочы».
Айчына
Гарадзенскі гэві-мэтал гурт «Иго», тэксты для якога піша сьвятар праваслаўнай царквы айцец Павал Касьпяровіч, прэзэнтуе альбом «Айчына».
Чалавечынка
Найлепшыя песьні апошніх гадоў гурту Рамана Абрамчука «Гарадскі вал» увайшлі ў альбом «Чалавечынка».
Amazing
Дзеля наданьня свайму альбому асаблівага настрою, гурт самаізяляваўся ад зьнешняга сьвету на хутары каля Іслачы.
Не бяры да галавы
Гурт «Кашлаты Вох» называе свой новы альбом «Не бяры да галавы» фантасмагарычным поглядам на шматлікія праявы мазгавой чалавечай дзейнасьці.
Дарогі, якія мы выбіраем
Гурт Vodar прэзэнтаваў свой дэбютны альбом «Дарогі, якія мы выбіраем», у якім паспрабаваў сумясьціць самыя разнастайныя стылі.
Bulbahuana
Авангарднае трыё, якое склалі электроншчык, гітарыст ды паэт, прэзэнтавала свой першы сумесны альбом «Bulbahuana».
бел.літ. х змрок
Антось Звычайны прэзэнтуе на tuzin.byculture.org альбом «бел.літ. х змрок», куды ўвайшлі трэкі на вершы Янкі Купалы, Уладзімера Караткевіча, Генадзя Бураўкіна, Максіма Танка, Анатоля Сыса і Кастуся Езавітава.
Песьні матчыны з Вушаччыны
Дзесяць выканаўцаў і гуртоў запісалі свае інтэрпрэтацыі народных песень з малой радзімы Рыгора Барадуліна для праекту Сяргея Доўгушава «Песьні матчыны з Вушаччыны».
Ягорава гара
Дэбютнік фольк-гурту з Гомелю возьме ўдзел у 6-м туры альбомнага чарту на tuzin.byculture.org.