Адзін тур відэачарту доўжыцца 12 дзён. Пасля падвядзення вынікаў галасавання 3 кліпа, якія набралі найменшую колькасць галасоў, замяняюцца новымі. Астатнія ўдзельнікі пераходзяць у новы тур, і галасаванне пачынаецца спачатку.
Права прыняцьця канчатковага рашэньня аб уключэньні або неўключэньні ў відэачарт кліпаў рэдакцыя парталу пакідае за сабой.
Галоўнае патрабаваньне да ўдзельнікаў гіт-параду ды іх прыхільнікаў — весьці шчырую барацьбу. Галасаваць можна зарэгістраваным на сайце карыстальнікам, а таксама зайшоўшы ў свой акаўнт ў сацыяльнай сетцы (Facebook, УКантакце) адзін раз на суткі, абіраючы адзін, два або тры відэакліпы.
Ляці
У сваім новым кліпе «Ляці» Піліп Беспамылковы разважае пра тое, што людзі ў мітусьні дарослага жыцьця забываюцца на свае сапраўдныя жаданьні.
Неба мяняе колер
Гурт «MorkvoЦвет» прэзэнтуе на TuzinFM кліп на песьню аўтарства Міхала Анемпадыстава «Неба мяняе колер», якая зьяўляецца інтрадукцыяй да іх новага альбому.
Маменька
Беларускі праект Kozak Family Trio з Нью-Джэрзі прэзэнтуе на TuzinFM кліп на палескую песьню «Маменька», у якой распавядаецца пра тое, як беларусаў у часы Расейскай імпэрыі ў войска забіралі.
Maslenka
15-гадовая Вера Саламонік і 17-гадовы Алесь Каленчыц утварылі дуэт, каб па-свойму даносіць усю прыгажосьць беларускага фольку. У сваім дэбютным відэа яны зьмянілі два дзясяткі вобразаў.
Баю-бай
Творчае трыё ў складзе сьпевака і кампазытара Зьмітра Вайцюшкевіча, паэта Ўладзімера Някляева і рэжысэра-аніматара Сяргея Кастрыцкага прэзэнтуе на TuzinFM плён сваёй чарговай супрацы.
Razok
Гурт Warsoba прэзэнтуе на TuzinFM кліп на загалоўную кампазыцыю з альбому «Razok», які выходзіць на амэрыканскім «VG label».
Дыялёг
Гурт Atesta прэзэнтуе на TuzinFM кліп рэжысэра Дзьмітрыя Карася на песьню «Дыялёг», у якім апавядаецца дэпрэсіўная гісторыя адзіноты ў натоўпе.
Замова
Гурт By Cry прэзэнтуе на TuzinFM кліп на песьню «Замова», у якім разважаюць над прыродай прыгажосьці.
Каханая
Гурт Skynet прэзэнтуе на TuzinFM кліп на свой галоўны гіт «Каханая», здымкі якога адбыліся ў Санкт-Пецярбургу.
Drevy i cieni
Гурт zolki band прэзэнтуе ў відэачарце на TuzinFM кліп на песьню «Drevy i cieni», прысьвечаны берасьцейцам, якія паўсталі супраць будаўніцтва ў горадзе акумулятарнага завода.
Дз, дж, г, ч
Выканаўца прэзэнтуе ў відэачарце на TuzinFM чарговы правакацыйны кліп, які пакліканы прыцягнуць увагу да беларускай мовы.
Падзяка сэрца
Cьпявак Uzari прэзэнтуе на TuzinFM кліп на песьню «Падзяка сэрца» рэжысэркі Ганны Герт.
Калі над лугам бусел праляцеў
Гурт Dzieciuki прэзэнтуе на TuzinFM кліп на песьню «Калі над лугам бусел праляцеў». Відэа зьняў нямецкі рэжысэр Робэрт Экштайн у маленькай польскай вёсцы, якая знаходзіцца на памежжы Літвы і Беларусі.
Хойнікі
Гурт Recha прэзэнтуе на TuzinFM новае відэа на песьню «Хойнікі» з альбому «Žyvak», зьнятае па матывах паездак гурта па Беларусі.
Цыганка
У відэачарце на TuzinFM возьме ўдзел кліп «Цыганка», галоўны трэк з дэбютнага альбому Gleboki Smak. Выканаўца выступіў і рэжысэрам роліку.
Магільшчык
Lesley Knife выступіў рэжысэрам кліпу 14-гадовай сьпявачкі Ўльляны Паўловіч на няпростую песьню — «Магільшчык», пераасэнсаваньне твору Dave Matthews Band, які ў беларускай вэрсіі прысьвечаны Яўгеніі Пфляўмбаўм, Эміліі Плятэр і Ларысе Геніюш.
Трэба сьпяшацца
Свой новы кліп дуэт laudans зьняў на закінутым нямецкім заводзе з думкаю пра Курапаты.
Рыбанька
Гурт Recha зьняў кліп на новую песьню «Рыбанька», якую называе хмяльным антыматывацыйным фанкам.
Човен
Кліп на песьню «Човен» складаецца з малюнкаў мастачкі Елізаветы Ганчаровай. Лявон кажа, што ў яе атрымалася намаляваць цэлы новы сусьвет.
Дзіўна
У новым туры відэачарту на TuzinFM возьме ўдзел другі кліп праекту Atesta, дзе саліруе 14-гадовая сьпявачка Ўльляна Паўловіч.
Вандроўнік
Гурт Adliga прэзэнтуе ў відэачарце на TuzinFM кліп на сваю дэбютную кампазыцыю «Вандроўнік». Гэтая праца стала дэбютам і для рэжысэра Андрэя Перасьмешніка.























