ЖАМЕРЫНЫ
Удзельніка гурта «Незабудкі» адлічваюць з універсітэта
682 / 0
28.10.2020

Удзельніка гурта «Незабудкі» адлічваюць з універсітэта

Вакаліста мінскага гурта «Незабудкі» адлічваюць з Універсітэта культуры пасля студэнцкай акцыі. У адказ на гэта калектыў выпусціў кліп у падтрымку беларусаў.

Павел Сакалоў - вакаліст сталічнага гурта «Незабудкі», якая існуе ўжо два гады. А яшчэ ён вучыцца на культуролага-мэнэджэра ў Беларускім дзяржаўным універсітэце культуры і мастацтваў. Але хлопец даведаўся пра тое, што яго адлічваюць.
 
«Незабудкі» выпусцілі ролік на песню «Новая зямля» - у знак салідарнасці з беларусамі. «Страху больш няма», - спяваюць музыкі ў кампазіцыі.
 
- Мы бралі ўдзел у студэнцкай акцыі, прайшліся па паверхах, потым да нас прыйшоў новы рэктар (мы яе ўсё бачылі ў першы раз). Хвілін 30 вялі дыялог. Пасля гэтага мне патэлефанавалі і сказалі, што мяне і яшчэ чатырох хлопцаў тэрмінова выклікаюць у дэканат.
Там студэнтам паведамілі, што іх адлічваюць «за парушэнне статута універсітэта». Паводле словаў Паўла, яму прыгадалі не толькі адсутнасць на парах, але і тое, што ў верасні ён быў заўважаны на студэнцкай акцыі побач з кампусам.
 
У дэканаце БДУКМ пакуль не змаглі пракаментаваць сітуацыю Сакалова. Інфармацыя пра гэта з'явіцца тады, калі рэктар падпіша загад аб адлічэнні, сказалі ў установе.
 
Тэгi:
навіны